1. |
Avò
03:02
|
|||
Avo’ l’amuri miu ti vogliu beni
L’ucchiuzzi di me’ figlia su’ sireni
Chi havi la figlia mia ca sempri cianci
Voli fatta la naca ’mmenzu l’aranci
Specchiu di l’occhi mia facci d’aranciu
Ca mancu ppi ’n tesoru iu ti canciu
Figlia di l’arma mia facciuzza bedda
La mamma t’havi a fari munachedda
E munachedda di lu Sarvaturi
Unni ci stannu i nobbili e i signuri
Ora s’addummiscìu la figlia mia
Vardatimmilla vui Matri Maria
|
||||
2. |
Terra ca nun senti
02:40
|
|||
Malidittu ddu mumentu
ca graprivu l’occhi nterra
nta stu nfernu.
Sti vint’anni di turmentu
cu lu cori sempri nguerra
notti e jornu.
Terra ca nun senti
ca nun voi capiri
ca nun dici nenti
vidennumi muriri!
Terra ca nun teni
cu voli partiri
e nenti cci duni
pi falli turnari.
E chianci chia…
Ninna oh!
Malidittu… tutti st’anni
cu lu cori sempri nguerra
notti e jornu.
Malidittu cu t’inganna
prumittennuti la luci
e a fratillanza.
|
||||
3. |
I pirati a Palermu
02:33
|
|||
Arrivaru li navi
Quanti navi a Palermu
Li pirati sbarcaru
Cu li facci d’infernu
N’arrubbaru lu suli, lu suli
Arristammu a lu scuru,
Chi scuru
Sicilia Chianci!
Tuttu l’oru all’aranci
Li pirati arrubbaru
Li campagni spugghiati
Cu la negghia lassaru
N’arrubbaru lu suli, lu suli
Arristammu allu scuru,
chi scuru
Sicilia chianci!
Li culura do mari
N’arrubbaru chi dannu
Su’mpazzuti li pisci
Chi lamentu chi fannu
N’arrubbaru lu suli, lu suli
Arristammu allu scuru,
chi scuru
Sicilia chianci!
Alli fimmini nostri
Ci scippare di l’occhi
La lustrura e lu focu
Ca addumava li specchi
N’arrubbaru lu suli, lu suli
Arristammu a lu scuru,
chi scuru
Sicilia chianci!
|
||||
4. |
Ti vogliu beni assai
04:48
|
|||
Ti vogliu beni assai chi c’hai a fari,
ca chiù putissi fari, chiù faria.
Si voi stu cori ti lu pozzu dari,
l’arma un ti la dugnu, ca unn’è mia.
Si voi stu cori ti lu pozzu dari,
l’arma un ti la dugnu, ca unn’è mia.
Bedda quantu mi piaci stu to fari
si tutta moda e tutta puisia,
statti cuieta e nun ti dubitari,
sta in sirviziu tò la vita mia,
statti cuieta e nun ti dubitari,
sta in sirviziu tò la vita mia.
|
||||
5. |
||||
La Sicilia havi un patruni
un patruni sempri uguali
ca la teni misa ncruci
e cci canta u funerali.
La Sicilia havi un guvernu
un guvernu ’taliànu
cu la furca a lu capizzu
e la corda nna li manu.
La Sicilia havi una patria
chi la stringi nta li vrazza
ma nzammài dumanna pani
finci dallu e tannu ammazza.
La Sicilia è spupulata
un disertu ogni paisi
vecchi e cani nta li strati
picciriddi scàvusi misi.
Li picciotti sunnu fora
ca li vrazza l’hannu sani
ma lu patri ’taliànu
si vinniu p’un pezzu di pani.
La Sicilia è addummisciuta
dormi u sonnu di li morti
ed aspetta mentri dormi
chi canciassi la so’ sorti.
Ma la sorti nun è ostia
un è grazia di li santi
si conquista cu la forza
nta li chiazzi e si va avanti.
Povira terra mia
comu si po’ campa’.
|
||||
6. |
Quannu moru
03:20
|
|||
Quannu iu moru nun mi diciti missa
Ma ricurdati di la vostra amica.
Quannu iu moru purtatimillu un ciuri,
un ciuri granni e russu comu lu sangu sparsu
Quannu iu moru faciti ca nun moru,
diciti a tutti chiddu ca vi dissi.
Quannu iu moru 'un vi sintiti suli,
ca suli nun vi lassu mancu di ntra lu fossu.
Quannu iu moru, cantati li me canti
'un li scurdati cantatili pi l'antri,
quannu iu moru pinzatimi ogni tantu,
ca pi sta terra 'ncruci murivu senza vuci,
ca pi sta terra 'ncruci io moru senza vuci.
|
Trovarobato Bologna, Italy
Trovarobato è nata a Bologna, come marchio per gestire l’attività dei Mariposa.
Trovarobato ha
poi creato un catalogo di musiche ed esperienze musicali alle quali si è sentita affine e alle quali, in diversi frangenti, ha dato una casa e un pasto caldo.
... more
Streaming and Download help
If you like Terra Matta, you may also like:
Bandcamp Daily your guide to the world of Bandcamp